• ഗിറ്റെഗ: ബു​റു​ണ്ടി പ്ര​സി​ഡ​ന്‍റ് പി​രെ കു​റു​ൻ​സി​സെ (55) ഹൃ​ദ​യാ​ഘാ​ത​ത്തെ​ത്തു​ട​ർ​ന്ന് അ​ന്ത​രി​ച്ചു. ശ​നി​യാ​ഴ്ച ദേ​ഹാ​സ്വാ​സ്ഥ്യ​ത്തെ​ത്തു​ട​ർ​ന്നാ​ണ് ഇ​ദ്ദേ​ഹ​ത്തെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. തി​ങ്ക​ളാ​ഴ്ച പി​രെ കു​റു​ൻ​സി​സെ​യു​ടെ നി​ല മെ​ച്ച​പ്പെ​ട്ടി​രു​ന്നു. പ​ക്ഷേ, അ​പ്ര​തീ​ക്ഷി​ത​മാ​യെ​ത്തി​യ ഹൃ​ദ​യാ​ഘാ​തം അ​ദ്ദേ​ഹ​ത്തി​ന്‍റെ ജീ​വ​ൻ ക​വ​രു​ക​യാ​യി​രു​ന്നു. 15 വ​ർ​ഷം തു​ട​ർ​ച്ച​യാ​യി അ​ധി​കാ​ര​ത്തി​ലി​രു​ന്ന ശേ​ഷം ഈ ​ഓ​ഗ​സ്റ്റി​ൽ സ്ഥാ​ന​മൊ​ഴി​യാ​നി​രി​ക്കെ​യാ​ണ് അ​ദ്ദേ​ഹം മ​ര​ണ​പ്പെ​ട്ട​ത്.



  • ആലുവ: ആലുവയിലെ വസ്ത്ര വ്യാപാരിയും ചലച്ചിത്ര നടനുമായ ശങ്കരൻകുഴി  എസ്.എ. ഹസൻ (51) ആണ് മരിച്ചത്. ഒരു വർഷമായി ദുബായിൽ ബിസിനസ് ചെയ്തു വരികയായിരുന്നു. ദുബായിക്കാരൻ എന്ന സിനിമ നിർമിക്കുകയും അതിൽ അഭിനയിക്കുകയും ചെയ്തിട്ടുണ്ട്.



  • ഏറ്റുമാനൂർ: രാജ്ഭവനിൽ (കൃപ റസിഡന്‍റ്സ് അസോസിയേ‍ന്‍ - 159) വി.എൻ . രാജശേഖരപ്പണിക്കർ (87) അന്തരിച്ചു. ഭാര്യ: ലളിത (കെ.എസ്.ഈ.ബി റിട്ട. ഉദ്യോഗസ്ഥ), മക്കൾ: പരേതനായ അഡ്വ. ദിലീപ് രാജ്, ദീപ്തി രാജ് . മരുമക്കൾ: അഡ്വ. മായാദേവി, ഗോപകുമാർ. സംസ്കാരം ഇന്ന് ഒരു മണിക്ക് വീട്ടുവളപ്പിൽ.


  • തൃ​ശൂ​ർ: സം​സ്ഥാ​ന​ത്ത് വീ​ണ്ടും കോ​വി​ഡ് ബാ​ധി​ച്ച് മ​ര​ണം. തൃ​ശൂ​ർ ഏ​ങ്ങ​ണ്ടി​യൂ​ർ സ്വ​ദേ​ശി കു​മാ​ര​ൻ (87) ആ​ണ് മ​രി​ച്ച​ത്. ഇ​തോ​ടെ സം​സ്ഥാ​ന​ത്ത് കോ​വി​ഡ് ബാ​ധി​ച്ച് മ​രി​ച്ച​വ​രു​ടെ എ​ണ്ണം 16 ആ​യി. കു​മാ​ര​ന് എ​വി​ടെ​നി​ന്നാ​ണ് കോ​വി​ഡ് ബാ​ധി​ച്ച​തെ​ന്ന് സ്ഥി​രീ​ക​രി​ക്കാ​ൻ സാ​ധി​ച്ചി​ട്ടി​ല്ല. അ​തി​നാ​ൽ ആ​ശ​ങ്ക​യേ​റു​ക​യാ​ണ്.


    ന്യൂ​മോ​ണി​യ​യും ശ്വാ​സ​ത​ട​സ​വും മൂ​ലം ക​ഴി​ഞ്ഞ മൂ​ന്നാം തീ​യ​തി സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഇ​വി​ടെ​നി​ന്നും പി​ന്നീ​ട് ന​ഗ​ര​ത്തി​ലെ സ്വ​കാ​ര്യ ആ​ശു​പ​ത്രി​യി​ലേ​ക്ക് മാ​റ്റി. ഇ​ന്ന് കോ​വി​ഡ് സ്ഥി​രീ​ക​രി​ച്ച​തോ​ടെ ഇ​ദ്ദേ​ഹ​ത്തെ വി​ദ​ഗ്ധ ചി​കി​ത്സ​യ്ക്കാ​യി തൃശൂർ മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. 


    എ​ന്നാ​ൽ മെ​ഡി​ക്ക​ൽ കോ​ള​ജി​ൽ എ​ത്തി​ച്ച ഉ​ട​ൻ കു​മാ​ര​ൻ മ​രി​ച്ചു. ഇ​ദ്ദേ​ഹ​ത്തി​ന് പ്ര​മേ​ഹ​വും ഹൃ​ദ​യ സം​ബ​ന്ധ​മാ​യ അ​സു​ഖ​വും ഉ​ണ്ടാ​യി​രു​ന്ന​താ​യി ആ​രോ​ഗ്യ​വ​കു​പ്പ് പ​റ​യു​ന്നു.കു​മാ​ര​ന് രോ​ഗം സ്ഥി​രീ​ക​രി​ച്ച​തോ​ടെ സ്വ​കാ​ര്യ ആ​ശു​പ​ത്രി​യി​ലെ ഡോ​ക്ട​ർ​മാ​ർ‌ അ​ട​ക്കം 40 പേ​രും ബ​ന്ധു​ക്ക​ളും ക്വാ​റ​ന്‍റൈ​നി​ൽ പ്ര​വേ​ശി​ച്ചു.




  • ബംഗളൂരു: പ്രശസ്ത മലയാളനടി മേഘ്ന രാജിന്റെ ഭർത്താവും കന്നട നടനുമായ ചിരഞ്ജീവി സാർജ (39) അന്തരിച്ചു. ഹൃദയാഘാതത്തെ തുടർന്ന് മരണം. നിരവധി മലയാളം - കന്നഡ സിനിമകളിൽ അഭിനയിച്ചിട്ടുള്ള മേഘ്ന 2018ലാണ് കന്നഡ ചിരഞ്ജീവിയെ വിവാഹം കഴിച്ചത്. കഴിഞ്ഞദിവസം ശ്വസനസംബന്ധമായ പ്രശ്നങ്ങൾ ഉണ്ടായതിനെ തുടർന്ന് ചിരഞ്ജീവിയെ ആശുപത്രിയിൽ വേശിപ്പിക്കുകയായിരുന്നു. തുടർന്ന് ശക്തമായ നെഞ്ച് വേദനയും ശ്വാസതടസവും അനുഭവപ്പെട്ടു. 


    അതേസമയം, കോവിഡ് 19ന്‍റെ പശ്ചാത്തലത്തിൽ സ്രവങ്ങൾ പരിശോധനയ്ക്കായി എടുത്ത് അയച്ചിട്ടുണ്ട്. രോഗബാധിതനായത് എന്തുകൊണ്ടാണെന്ന് വ്യക്തമായിട്ടില്ല. ജയനഗറിലെ അപ്പോളോ ആശുപത്രിയിലാണ് ചിരഞ്ജീനി സർജയുടെ മൃതദേഹം ഇപ്പോൾ ഉള്ളത്. 2009ൽ 'ആയുദപ്രാമ' എന്ന ചിത്രത്തിലൂടെയാണ് ചിരഞ്ജീവി സർജ സിനിമാജീവിതം ആരംഭിച്ചത്. 2017ൽ വിവാഹം നിശ്ചയിച്ച് 2018ലാണ് നടി മേഘ്ന രാജുമായി ചിരഞ്ജീവി സർജ വിവാഹിതനായത്.



  • കോഴിക്കോട്: കോഴിക്കോട് കുന്ദമംഗലം ചെറൂപ്പ കുറ്റിക്കടവ് സ്വദേശി കുവൈത്തിൽ കോവിഡ് ബാധിച്ചു മരിച്ചു.  നാല് കണ്ടത്തിൽ കൊളങ്ങോട്ട്  അജ്മൽ സത്താർ (39) ആണ് മരിച്ചത്. കോവിഡ്  ബാധിച്ചു അമീരി ആശുപത്രിയിൽ ചികിത്സയിൽ ആയിരുന്നു അദ്ദേഹം. പിതാവ്: എൻ കെ സി മുഹമ്മദ്. മാതാവ്: ഫാതിമ മുണ്ടുമുഴി.ഭാര്യ: ജാസിറ ഐക്കരപ്പടി. മക്കൾ: അജ് വദ്, അജിയ്യ. സഹോദരങ്ങൾ: അബ്ദുൽ സലാം, ഷഹീർ, ശബ്ന



  • മനാമ: ബഹ്റൈനില്‍ കൊവിഡ് ബാധിച്ച് മലയാളി മരിച്ചു. പത്തനംതിട്ട കോഴഞ്ചേരി നെല്ലിക്കാല ചെമ്പകത്തിനല്‍ വീട്ടില്‍ നൈനാന്‍ സി മാമ്മന്‍ (46) ആണ് മരിച്ചത്. കഴിഞ്ഞ മാസം 30 മുതല്‍ സല്‍മാനിയ മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്നു. പ്രമേഹം, രക്തസമ്മര്‍ദ്ദം എന്നീ അസുഖങ്ങളുണ്ടായിരുന്നു. ഭാര്യ നഴ്സായതിനാല്‍ കഴിഞ്ഞ മാസം 28ന് ടെസ്റ്റ് നടത്തുകയും രോഗബാധയില്ലെന്ന് സ്ഥിരീകരിക്കുകയും ചെയ്തിരുന്നു. അതിന് ശേഷമാണ് പനിയും ശ്വാസ തടസ്സവും ഉണ്ടായത്.


    ആരോഗ്യ വകുപ്പിന്റെ നിര്‍ദ്ദേശ പ്രകാരം സ്വകാര്യ ആശുപത്രിയില്‍ ന്യൂമോണിയക്കുളള ചികിത്സ തുടങ്ങിയിരുന്നതായി ബന്ധുക്കള്‍ അറിയിച്ചു. ശ്വാസകോശത്തിലെ അണുബാധ ഗുരുതരമായതിനെ തുടര്‍ന്ന് കഴിഞ്ഞ ശനിയാഴ്ച സല്‍മാനിയ മെഡിക്കല്‍ കോളെജില്‍ പ്രവേശിപ്പിച്ചു. അന്ന് നടത്തിയ റാപിഡ് ടെസ്റ്റില്‍ പോസിറ്റീവും തൊട്ടടുത്ത ദിവസം നടത്തിയ പിസിആര്‍ ടെസ്റ്റില്‍ നെഗറ്റീവുമായിരുന്നു ഫലം.


    തീവ്ര പരിചരണ വിഭാഗത്തിലേക്ക് മാറ്റി ചികിത്സ തുടങ്ങിയപ്പോള്‍ മെച്ചപ്പെട്ടെങ്കിലും പിന്നീട് രോഗം മൂര്‍ച്ഛിക്കുകയായിരുന്നു. 20 വര്‍ഷമായി ബ്ഹ്റൈനില്‍ അക്കൗണ്ടന്റായി ജോലി ചെയ്തു വരികയായിരുന്നു. നെല്ലിക്കാല മാര്‍ത്തോമ്മ പളളിയിലെ വികാരിയായിരുന്ന വികാരി റവ.സി സി മാമനാണ് പിതാവ്. കുഴിക്കാല മേലേ തെക്കെ കാലായില്‍ ബെറ്റിയാണ് ഭാര്യ. മക്കളില്ല.



  • ​മല​പ്പു​റം: മ​ഞ്ചേ​രി മെ​ഡി​ക്ക​ല്‍ കോ​ള​ജി​ല്‍ കോ​വി​ഡ് നി​രീ​ക്ഷ​ണ​ത്തി​ൽ ക​ഴി​ഞ്ഞി​രു​ന്ന പി​ഞ്ചു കു​ഞ്ഞ് മ​രി​ച്ചു. കോ​യ​മ്പ​ത്തൂ​രി​ല്‍ നി​ന്നും വ​ന്ന 56 ദി​വ​സം പ്രാ​യ​മു​ള്ള കു​ഞ്ഞാ​ണ് മ​രി​ച്ച​ത്. കു​ട്ടി കോ​വി​ഡ് ല​ക്ഷ​ണ​ങ്ങ​ളോ​ടെ നി​രീ​ക്ഷ​ണ​ത്തി​ലാ​യി​രു​ന്നു. കു​ട്ടി​യു​ടെ സ്ര​വം പ​രി​ശോ​ധ​ന​യ്ക്ക് അ​യ​ച്ചു



  • മലപ്പു​റം: സം​സ്ഥാ​ന​ത്ത് വീ​ണ്ടും കോ​വി​ഡ് ബാ​ധി​ച്ച് മ​ര​ണം. മ​ല​പ്പു​റം പ​ര​പ്പ​ന​ങ്ങാ​ടി സ്വ​ദേ​ശി​യും മു​ന്‍ ഇന്ത്യൻ ഫുട്ബോൾ താ​ര​വു​മാ​യ ഇ​ള​യി​ട​ത്ത് ഹം​സ​ക്കോ​യ (61) ആ​ണ് മ​രി​ച്ച​ത്. ഇ​തോ​ടെ സം​സ്ഥാ​ന​ത്ത് കോ​വി​ഡ് ബാ​ധി​ച്ച് മ​രി​ച്ച​വ​രു​ടെ എ​ണ്ണം 15 ആ​യി ഉ​യ​ർ​ന്നു. 


    ശ​നി​യാ​ഴ്ച രാ​വി​ലെ മ​ഞ്ചേ​രി മെ​ഡി​ക്ക​ൽ കോ​ള​ജി​ലാ​യി​രു​ന്നു മ​ര​ണം. ഇ​ദ്ദേ​ഹ​ത്തി​ന്‍റെ മൂ​ന്ന് മാ​സം പ്രാ​യ​മു​ള്ള പേ​ര​ക്കു​ട്ടി​യ​ട​ക്കം കു​ടും​ബ​ത്തി​ലെ അ​ഞ്ച് പേ​ർ​ക്ക് കോ​വി​ഡ് സ്ഥി​രീ​ക​രി​ച്ചി​രു​ന്നു. 10 ദി​വ​സം മു​മ്പ് കു​ടും​ബ​ത്തോ​ടൊ​പ്പം മ​ഹാ​രാ​ഷ്ട്ര​യി​ല്‍ നി​ന്ന് തി​രി​ച്ചെ​ത്തി​യ​താ​ണ് ഹം​സ​ക്കോ​യ. 


    ഭാ​ര്യ​ക്കും മ​ക​നു​മാ​ണ് ആ​ദ്യം രോ​ഗം സ്ഥി​രീ​ക​രി​ച്ച​ത്. ന്യൂ​മോ​ണി​യ ബാ​ധി​ത​നാ​യി​രു​ന്ന ഹം​സോ​ക്കോ​യ​ക്ക് പ്ലാ​സ്മ തെ​റാ​പ്പി ന​ട​ത്തി​യി​രു​ന്നു. പ്ലാ​സ്മ തെ​റാ​പ്പി ചി​കി​ത്സ ന​ല്‍​കി​യ ശേ​ഷം കേ​ര​ള​ത്തി​ല്‍ മ​രി​ക്കു​ന്ന ആ​ദ്യ വ്യ​ക്തി​യാ​ണ് ഇ​ദ്ദേ​ഹം.
    ഹം​സ​ക്കോ​യ സ​ന്തോ​ഷ് ട്രോ​ഫി​യി​ല്‍ മ​ഹാ​രാ​ഷ്ട്ര​യ്ക്ക് വേ​ണ്ടി ക​ളി​ച്ചി​ട്ടു​ണ്ട്. നെ​ഹ്റു ട്രോ​ഫി ഇ​ന്ത്യ​ന്‍ ടീം ​അം​ഗ​വും മോ​ഹ​ൻ​ബ​ഗാ​ൻ താ​ര​വു​മാ​യി​രു​ന്നു.



  • കുവൈത്ത്‌ സിറ്റി : കുവൈത്തിൽ കൊറോണ ബാധയെ തുടർന്ന് ചികിൽസയിലായിരുന്ന ഒരു മലയാളി കൂടി മരണമടഞ്ഞു.  തൃശൂർ ചാവക്കാട് മുനക്കക്കടവ് സ്വദേശി  പോക്കാക്കില്ലത്ത് ജമാലുദ്ദീൻ  (46) ആണ് മരിച്ചത്. കൊറോണ ബാധയെ തുടർന്ന്  അമീരി ആശുപത്രിയിൽ ചികിത്സയിൽ ആയിരുന്ന ഇദ്ദേഹം ഇന്ന്  കാലത്താണു മരണമടഞ്ഞത്‌.  യർമൂഖിൽ സ്വദേശി വീട്ടിൽ ജോലിചെയ്ത്‌ വരികയായിരുന്നു ഇദ്ദേഹം. ഭാര്യ:ഷമീറ. മക്കൾ: ജസീം, ജസീർ, ജാഫർ. പിതാവ് ; മൊയ്‌തീൻ കുഞ്ഞു. മാതാവ്: ആയിഷമോൾ.



  • ഏറ്റുമാനൂര്‍: പ്രമുഖ വസ്ത്രവ്യാപാരിയായിരുന്ന പണ്ടാരശ്ശേരില്‍ സി.ലൂക്കയുടെ മകനും ഏറ്റുമാനൂര്‍ കവിതാ ബേക്കറി ഉടമയുമായിരുന്ന പി.എല്‍.ജേക്കബ് (ബേബി - 81) അന്തരിച്ചു. ഭാര്യ: പുന്നത്തുറ പൂഴിക്കാലായില്‍ കുടുംബാംഗം തങ്കമ്മ, മക്കള്‍: ജിജി, സജി, കവിത (ഇരുവരും യു.എസ്), മരുമക്കള്‍: സോമശേഖരന്‍ എടവൂര്‍ (പുന്നത്തുറ), സിബി വാഴപ്പള്ളി, ഉഴവൂര്‍ (യുഎസ്), ടോണി, മഠത്തില്‍താഴെ, നീണ്ടൂര്‍ (യു.എസ്). സംസ്‌കാരം ശനിയാഴ്ച 3ന് ബിഷപ്പ് മാര്‍ ജോസഫ് പണ്ടാരശ്ശേരിയുടെ കാര്‍മ്മികത്വത്തില്‍ കൊടുവത്താനം സെന്‍റ് ജോസഫ് ക്‌നാനായ കത്തോലിക്കാ പള്ളി സെമിത്തേരിയില്‍.




  • പാലക്കാട്: സംസ്ഥാനത്ത് ഒരാൾ കൂടി കോവിഡ് 19 ബാധിച്ച് മരിച്ചു. പാലക്കാട് കടമ്പഴിപ്പുറം കടമ്പഴിപ്പുറം ചെട്ടിയാംകുന്ന് താഴത്തേതിൽ മീനാക്ഷി അമ്മാൾ (74) ആണു മരിച്ചത്. ഇതോടെ സംസ്ഥാനത്തു കോവിഡ് ബാധിച്ചു മരിച്ചവരുടെ എണ്ണം 12 ആയി. ജില്ലാ ആശുപത്രിയിൽകോവിഡ് ഐസലേഷൻ വാർഡിൽ നിരീക്ഷണത്തിലായിരുന്ന ഇവർ ചൊവ്വാഴ്ച രാത്രിയാണു മരിച്ചത്. സാംപിൾ പരിശോധനയിൽ ഇന്നലെ കോവിഡ് സ്ഥിരീകരിച്ചു. ആദ്യ പരിശോധനാ ഫലം നെഗറ്റീവ് ആയിരുന്നു. 


    പ്രമേഹ സംബന്ധമായ അസുഖത്തെത്തുടർന്നാണ് ചെന്നൈയിൽ നിന്നെത്തിയ ഇവരെ ജില്ലാ ആശുപത്രിയിൽ പ്രവേശിപ്പിച്ചത്. ഇതിനിടെ ന്യൂമോണിയയും ബാധിച്ചു. ചെന്നൈയിൽ മകനോടൊപ്പം താമസിക്കുന്ന ഇവർ കഴിഞ്ഞ 25നാണ് നാട്ടിലെത്തിയത്. 29നു ജില്ലാ ആശുപത്രിയിൽ പ്രവേശിപ്പിച്ചു. കോവിഡ് പ്രോട്ടോക്കോൾ അനുസരിച്ചു മൃതദേഹം സംസ്കരിക്കും.



  • എരുമേലി : കൊരട്ടി പാലത്തിന്‍റെ സമീപത്തുള്ള  ബിവറേജ് ഷോപ്പിൽ നിന്നും മദ്യം വാങ്ങുവാൻ എത്തിയ വയോധികൻ തൊട്ടടുത്തുള്ള മണിമലയാറ്റിൽ തെന്നിവീണ് ഒഴുക്കിൽ പെട്ട് മുങ്ങിമരിച്ചു. എരുമേലി പോലീസ് സ്റ്റേഷന് സമീപം താമസിക്കുന്ന  വയലുങ്കൽ തോമസ് (ബേബി - 65) ആണ് ഒഴുക്കിൽപ്പെട്ട് മരിച്ചത്. ഇന്ന് രാവിലെ പത്തരയോടെ കൊരട്ടി ബിവറേജ് ഔട്ട്‌ ലെറ്റിന് സമീപത്തെ കടവിലാണ് അപകടം നടന്നത്. 


    കാഞ്ഞിരപ്പള്ളി ഫയർഫോഴ്‌സും നാട്ടുകാരും  സംയുക്തമായി മണിക്കൂറുകളോളം തിരച്ചിൽ നടത്തിയതിനൊടുവിൽ കാരിത്തോട് ഭാഗത്ത്‌  മണിമലയാറിൽ നിന്നും  ഉച്ചയോടെ മൃതദേഹം  കണ്ടെടുക്കുകയായിരുന്നു. പോസ്റ്റ്മോർട്ടത്തിന് ശേഷം മൃതദേഹം കരിങ്കല്ലുമൂഴി മലങ്കര കത്തോലിക്ക പള്ളിയിൽ സംസ്കരിക്കും. ഭാര്യ ഏലിയാമ്മ. മക്കൾ വർഗീസ്, കത്രീനാമ്മ, അനു. മരുമക്കൾ - ത്രേസ്യാമ്മ, റോയി ചേനപ്പാടി, ഡിജി ചാരുവേലി


  • കോഴി​ക്കോ​ട്: കോ​വി​ഡ് നി​രീ​ക്ഷ​ണ​ത്തി​ലി​രു​ന്ന യു​വ​തി മ​രി​ച്ചു. മ​ല​പ്പു​റം എ​ട​പ്പാ​ൾ സ്വ​ദേ​ശി​യാ​യ യു​വ​തി​യാ​ണ് മ​രി​ച്ച​ത്. കോ​ഴി​ക്കോ​ട് സ്വ​കാ​ര്യ ആ​ശു​പ​ത്രി​യി​ൽ​വ​ച്ചാ​യി​രു​ന്നു മ​ര​ണം. യു​വ​തി​യു​ടെ സ്ര​വം പ​രി​ശോ​ധ​ന​യ്ക്ക് അ​യ​ച്ചി​രി​ക്കു​ക​യാ​ണ്. ഇ​വ​ർ അ​ർ​ബു​ദ​രോ​ഗ​ത്തി​ന് ചി​കി​ത്സ​യി​ലാ​യി​രു​ന്നു​വെ​ന്നാ​ണ് റി​പ്പോ​ർ​ട്ട്. മേ​യ് 20നാ​ണ് യു​വ​തി ദു​ബാ​യി​ൽ നി​ന്ന് എ​ത്തി​യ​ത്.



  • കോഴിക്കോട്: കോവിഡ് ബാധിച്ചു സംസ്ഥാനത്ത് ഒരാൾ കൂടി മരിച്ചു. മാവൂർ സ്വദേശി സുലേഖ (56) ആണ് കോഴിക്കോട് മെഡിക്കൽ കോളജിൽ ചികിത്സയിലിരിക്കെ മരിച്ചത്. ഈ മാസം 20നാണ് റിയാദിൽ നിന്നെത്തിയത്. ഹൃ​​​ദ്രോ​​​ഗ​​​വും ക​​​ടു​​​ത്ത ര​​​ക്ത​​​സ​​​മ്മ​​​ർ​​ദ​​വും ഉ​​​ണ്ടാ​​​യി​​​രു​​​ന്നു. 


    രോ​​​ഗ​​​ല​​​ക്ഷ​​​ണ​​​ങ്ങ​​​ൾ പ്ര​​​ക​​​ടി​​​പ്പി​​​ച്ച​​​തോ​​​ടെ ഇ​​​വ​​​രെ ആ​​​ശു​​​പ​​​ത്രി​​​യി​​​ൽ പ്ര​​​വേ​​​ശി​​​പ്പി​​​ക്കു​​​ക​​​യാ​​​യി​​​രു​​​ന്നു. ഇ​​​വ​​​രു​​​ടെ ഭ​​​ർ​​​ത്താ​​​വി​​​നും കോ​​​വി​​​ഡ് സ്ഥി​​​രീ​​​ക​​​രി​​​ച്ചി​​​ട്ടു​​​ണ്ട്. ഇ​​​തോ​​​ടെ സം​​​സ്ഥാ​​​ന​​​ത്ത് കോ​​​വി​​ഡ് ബാ​​​ധി​​​ച്ചു മ​​​രി​​​ച്ച​​​വ​​​രു​​​ടെ എ​​​ണ്ണം 10 ആയി.



  • മുംബൈ: തെന്നിന്ത്യൻ താരം ഖുഷ്ബുവിന്‍റെ ബന്ധു കോവിഡ് 19 ബാധിച്ച് മുംബൈയിൽ മരിച്ചു. ഖുഷ്ബു തന്നെയാണ് മരണവിവരം ട്വിറ്ററിലൂടെ അറിയിച്ചത്. ഖുഷ്ബുവിന്‍റെ സഹോദരന്‍റെ ഭാര്യയുടെ ബന്ധുവാണ് മരിച്ചത്. മരണത്തിൽ സിനിമാ രംഗത്തെ നിരവധിപേർ അനുശോചനം രേഖപ്പെടുത്തി. 


    ഇന്ത്യയിൽ കോവിഡ് 19 ഏറ്റവും രൂക്ഷമായ സംസ്ഥാനം മഹാരാഷ്ട്രയാണ്. 62, 228 കോവിഡ് കേസുകളാണ് മഹാരാഷ്ട്രയിൽ റിപ്പോർട്ട് ചെയ്തത്. 2,098 മരണവും റിപ്പോർട്ട് ചെയ്തു. മുംബൈയിലാണ് ഏറ്റവും കൂടുതൽ കേസുകൾ റിപ്പോർട്ട് ചെയ്യുന്നത്.
    അതേസമയം, രാജ്യത്ത് 24 മണിക്കൂറിനിടെ 8380 പേര്‍ക്ക് കോവിഡ് ബാധ സ്ഥിരീകരിച്ചു. ഇതാദ്യമായാണ് ഒരു ദിവസം രാജ്യത്ത് ഇത്രയധികം പേർക്ക് കോവിഡ് സ്ഥിരീകരിക്കുന്നത്. ഇതോടെ ആകെ കോവിഡ് ബാധിതരുടെ എണ്ണം 1,82,143 ആയി. 24 മണിക്കൂറിനിടെ 193 മരണവും റിപ്പോർട്ട് ചെയ്തു. ഇതോടെ, ആകെ മരണസംഖ്യ 5164 ആയി.



  • ആലപ്പുഴ: കോ​വി​ഡ് നി​രീ​ക്ഷ​ണ​ത്തി​ലി​രു​ന്ന യു​വാ​വ് ആ​ല​പ്പു​ഴ വ​ണ്ടാ​നം മെ​ഡി​ക്ക​ൽ കോ​ള​ജി​ൽ മ​രി​ച്ചു. ചെ​ങ്ങ​ന്നൂ​ർ പാ​ണ്ട​നാ​ട് സ്വ​ദേ​ശി ജോ​സ് ജോ​യ് (38) ആ​ണ് മ​രി​ച്ച​ത്. 


    അ​ബു​ദാ​ബി​യി​ൽ​നി​ന്ന് എ​ത്തി കോ​വി​ഡ് കെ​യ​ർ സെ​ന്‍റ​റി​ൽ നി​രീ​ക്ഷ​ണ​ത്തി​ലാ​യി​രു​ന്നു. ഗു​രു​ത​ര​മാ​യ ക​ര​ൾ രോ​ഗ​ത്തെ തു​ട​ർ​ന്നാ​ണ് ഇ​യാ​ളെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. ഇ​ദ്ദേ​ഹ​ത്തി​ന്‍റെ സ്ര​വ പ​രി​ശോ​ധ​നാ ഫ​ലം വൈ​കി​ട്ടോ​ടെ മാ​ത്ര​മേ ല​ഭി​ക്കൂ. 



  • റായ്പുർ: ഛത്തീസ്‌ഗഡിന്‍റെ ആദ്യ മുഖ്യമന്ത്രിയും ജനതാ കോൺഗ്രസ് ഛത്തീസ്‌ഗഡ് (ജെ) നേതാവുമായ അജിത് ജോഗി (74) അന്തരിച്ചു. ഹൃദയാഘാതത്തെത്തുടർന്നു ചികിത്സയിലായിരുന്നു. പ്രഭാതഭക്ഷണം കഴിക്കുന്നതിനിടെ തളർന്നുവീണ ജോഗിയെ കഴിഞ്ഞ ദിവസമാണ് ശ്രീനാരായണ ആശുപത്രിയിൽ പ്രവേശിപ്പിച്ചത്. ചികിത്സയോടു ശരീരം പ്രതികരിച്ചിരുന്നില്ല. ശ്വാസതടസ്സമുള്ളതിനാൽ തലച്ചോറിലേക്ക് ഓക്സിജൻ എത്തുന്നതു തടസ്സപ്പെട്ടിരുന്നു. നിലവിൽ മർവാഹി മണ്ഡലത്തിലെ ജനപ്രതിനിധിയാണ്. ഭാര്യ: ഡോ. രേണു. മകൻ: അമിത് ജോഗി. മരുമകൾ: റിച്ച



  • കൽപറ്റ: മുൻ കേന്ദ്ര - സംസ്ഥാന മന്ത്രിയും പ്രമുഖ രാഷ്ട്രീയനേതാവും സാഹിത്യകാരനും പ്രഭാഷകനുമായ എം പി വീരേന്ദ്രകുമാർ അന്തരിച്ചു. 84 വയസായിരുന്നു. കോഴിക്കോട് സ്വകാര്യ ആശുപത്രിയിൽ ഹൃദയാഘാതത്തെ തുടർന്നായിരുന്നു അന്ത്യം. ഇന്നലെ രാത്രി എട്ടരയോടെയാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. സംസ്കാരം കൽപറ്റയിൽ നടക്കും. 


    1996ലും 2004ലും കോഴിക്കോട് മണ്ഡലത്തെ പ്രതിനിധീകരിച്ച് ലോക്സഭയില്‍ എത്തി. നിലവിൽ കേരളത്തിൽ നിന്നുള്ള രാജ്യസഭാംഗം ആണ്. 2016 - 2017 കാലഘട്ടത്തില്‍ യു.ഡി.എഫിന്‍റെ പ്രതിനിധിയായി ജനതാദളില്‍ നിന്നും രാജ്യസഭാംഗമായിരുന്നു. പിന്നീട് രാജി വെച്ചു. ജനതാദൾ (എസ്), സോഷ്യലിസ്റ്റ് ജനത (ഡെമോക്രാറ്റിക് ) ജനതാ ദൾ (യുണൈറ്റഡ്) എന്നിവയുടെ മുൻ സംസ്ഥാന കമ്മിറ്റി പ്രസിഡന്റും ലോക് താന്ത്രിക് ജനതാദൾ പാർട്ടിയുടെ സ്ഥാപക നേതാവുമാണ്. കേരള നിയമസഭാംഗവും വനംവകുപ്പ് മന്ത്രിയുമായിരുന്നു.  മാതൃഭൂമി ദിനപത്രത്തിന്റെ ചെയർമാനും മാനേജിങ് ഡയറക്ടറും മലബാറിലെ പ്രമുഖ പ്ലാന്ററുമാണ് ഇദ്ദേഹം. 


    പ്രമുഖ സോഷ്യലിസ്റ്റ് പാര്‍ട്ടി നേതാവും മദിരാശി നിയമസഭാംഗവുമായിരുന്ന എം കെ പത്മപ്രഭാഗൗഡറുടെയും മരുദേവി അവ്വയുടെയും മകനായി 1936 ജൂലായ് 22ന് വയനാട്ടിലെ കല്‍പറ്റയിലാണ് ജനനം. മദിരാശി വിവേകാനന്ദ കോളേജിൽ നിന്ന് തത്ത്വശാസ്ത്രത്തിൽ ബിരുദാനന്തര ബിരുദവും അമേരിക്കയിലെ സിൻസിനാറ്റി സർവകലാശാലയിൽ നിന്ന് എം.ബി.എ. ബിരുദവും കരസ്ഥമാക്കി. 1987 കേരള നിയമസഭാംഗവും വനംവകുപ്പ് മന്ത്രിയുമായി. 48 മണിക്കൂറിനുള്ളിൽ തന്നെ മന്ത്രിസ്ഥാനം രാജിവെച്ചു. കേന്ദ്രമന്ത്രിസഭയിൽ ധനകാര്യ സഹമന്ത്രിയും പിന്നീട് തൊഴിൽ വകുപ്പിന്റെ സ്വതന്ത്രചുമതലയുള്ള സഹമന്ത്രിയുമായി സേവനമനുഷ്ഠിച്ചിട്ടുണ്ട്. അടിയന്തരാവസ്ഥ കാലയളവിൽ ഒളിവിൽ പോയെങ്കിലും പിടിയിലായി ജയിൽവാസമനുഭവിച്ചു. ഭാര്യ: ഉഷ. മക്കള്‍: ആഷ, നിഷ, ജയലക്ഷ്മി, എം.വി.ശ്രേയാംസ്‌കുമാര്‍ (ജോയന്റ് മാനേജിങ് ഡയറക്ടര്‍-മാതൃഭൂമി).


    ഹൈമവതഭൂവിൽ (2010ലെ കേന്ദ്ര സാഹിത്യ അക്കാദമി പുരസ്കാരത്തിനും 2016ലെ മൂർത്തീദേവി പുരസ്കാരത്തിനും അര്‍ഹമായി), സ്മൃതിചിത്രങ്ങൾ, ആമസോണും കുറേ വ്യാകുലതകളും (2002ലെ കേരള സാഹിത്യ അക്കാദമി പുരസ്കാരം നേടി), ചങ്ങമ്പുഴ:വിധിയുടെ വേട്ടമൃഗം, ആത്മാവിലേക്ക് ഒരു തീർത്ഥയാത്ര (ഓടക്കുഴൽ പുരസ്കാരത്തിന് അര്‍ഹമായി), ലോകവ്യാപാരസംഘടനയും ഊരാക്കുടുക്കുകളും, തിരിഞ്ഞുനോക്കുമ്പോൾ, പ്രതിഭയുടെ വേരുകൾ തേടി, അധിനിവേശത്തിന്റെ അടിയൊഴുക്കുകൾ, ഗാട്ടും കാണാച്ചരടുകളും, രോഷത്തിന്റെ വിത്തുകൾ, രാമന്റെ ദുഃഖം, സമന്വയത്തിന്റെ വസന്തം, ബുദ്ധന്റെ ചിരി തുടങ്ങി നിരവധി പുസ്തകങ്ങളും ലേഖനങ്ങളും രചിച്ചിട്ടുണ്ട്.


    ഓടക്കുഴൽ പുരസ്കാരം, സി. അച്യുതമേനോൻ പുരസ്കാരം, ജി. സ്‌മാരക പുരസ്കാരം, നാലപ്പാടൻ പുരസ്കാരം, സാഹിത്യ അക്കാദമി പുരസ്കാരം, അബുദാബി ശക്തി പുരസ്കാരം, എം.ഇ.എസ്‌. എക്‌സലെൻസ്‌ പുരസ്കാരം, സി.എച്ച്‌. മുഹമ്മദ്‌കോയ സ്മാരക പുരസ്കാരം, ദുബായ്‌ കൈരളി കലാ കേന്ദ്ര പുരസ്കാരം, ഭാരത്‌ സൂര്യ പുരസ്കാരം, സി.ബി. കുമാർ എൻഡോവ്‌മെന്റ്‌ ദർശൻ കൾച്ചറൽ പുരസ്കാരം, കൊടുപുന്ന സ്മാരക പുരസ്കാരം, വയലാർ അവാർഡ് (2008), വി.ആർ. കൃഷ്ണനെഴുത്തച്ഛൻ ജന്മശദാബ്ദി അവാർഡ് (2009), കേരളസാഹിത്യ അക്കാദമിയുടെ വിശിഷ്ടാംഗത്വം (2013), മൂർത്തീദേവി പുരസ്കാരം (2016) എന്നിങ്ങനെ വിവിധ പുരസ്കാരങ്ങളും അംഗീകാരങ്ങളും ഇദ്ദേഹത്തെ തേടിയെത്തി.



  • ന്യൂയോര്‍ക്ക് : കോവിഡ് 19 വൈറസ് ബാധിച്ച്‌ അമേരിക്കയില്‍ എട്ടു വയസ്സുകാരന്‍ ഉള്‍പ്പെടെ മൂന്ന് മലയാളികള്‍ മരിച്ചു. കൊല്ലം കുണ്ടറ സ്വദേശി ഗീവര്‍ഗീസ് പണിക്കര്‍, മാര്‍തോമ സഭ വൈദികനായ കൊട്ടാരക്കര സ്വദേശി ഫാദര്‍ എം. ജോണ്‍, പാലാ സ്വദേശി സുനീഷ് - ദീപ ദമ്പതികളുടെ മകന്‍ അദ്വൈത് എന്നിവരാണ് മരിച്ചത്.


    ഗീവര്‍ഗീസും വൈദികന്‍ എം. ജോണും ഫിലാഡല്‍ഫിയയിലും അദ്വൈത് ന്യൂയോര്‍ക്കിലുമാണ് മരിച്ചത്. നഴ്സുമാരായ മാതാപിതാക്കള്‍ക്കു പിന്നാലെ കോവിഡ് ബാധിച്ച അദ്വൈതിനെ രണ്ടു ദിവസങ്ങള്‍ക്ക് മുമ്പാണ് ആശുപത്രിയില്‍ പ്രവേശിപ്പിച്ചത്. ഫിലാഡല്‍ഫിയയിലെ പണിക്കര്‍ ടൂര്‍സ് ആന്‍ഡ് ട്രാവല്‍സ് ഉടമയാണ് ഗീവര്‍ഗീസ് എം. പണിക്കര്‍.